Ошто каналга түшүп кеткен 9 жана 7 жаштагы балдардын сөөгү табылды

Ош облусунун Кара-Суу районундагы Южный каналына түшүп кеткен 9 жана 7 жаштагы балдардын сөөгү табылды. Бул тууралуу бүгүн, 12-июлда Өзгөчө кырдаалдар министрлигинен билдиришти.

Маалыматка ылайык, жеткинчектер кечээ сууга түшүп кеткен. Аларды издөөгө куткаруучулар тартылып, бүгүн 9 жаштагы “К.М.” аттуу баланын жансыз денеси табылып, туугандарына өткөрүлүп берилген. Ал эми 7 жаштагы жеткинчектин сөөгү жакындары тарабынан табылган.

Куткаруучулар балдарды суу объектилерине кароосуз калтыруу кооптуу экендигин эскертет.

Булак: Супер-Инфо