Ошто 300 киши бир учурда йога менен машыкты
![](https://osh.kg/wp-content/uploads/oshto-300-kishi-bir-uchurda-joga-menen-mashykty-780x470.png)
© Sputnik / Акылбек Батырбеков
Иш-чара йоганын эл аралык күнүнө карата уюштурулган.
Ош шаарында йоганын эл аралык күнүндө 300 адам йога менен машыкты. Шаардык мэрия иш-чара “Алай” футболдук клубунун машыгуу талаасында өткөнүн билдирди.
![](https://osh.kg/wp-content/uploads/oshto-300-kishi-bir-uchurda-joga-menen-mashykty3.png)
Спорттук саамалыкка шаар мэринин орун басары Нурбек Кадыров, Индиянын Кыргызстандагы элчиси Арун Кумар, ОшМУнун ректору Кудайберди Кожобеков, студенттер, активдүү жарандар жана башка жаштар катышкан.
![](https://osh.kg/wp-content/uploads/oshto-300-kishi-bir-uchurda-joga-menen-mashykty2.png)
Анын жүрүшүндө сөз сүйлөгөндөр Ошто йога менен машыккандар, деги эле сергек жашоо образын кармангандар жылдан-жылга көбөйүп жатканын белгилешти.
![](https://osh.kg/wp-content/uploads/oshto-300-kishi-bir-uchurda-joga-menen-mashykty4.png)
Йога менен машыгуудан тышкары, бул иш-чара шаардык мэриянын маданият башкармалыгынын бий топтору жана артисттери, Индиядан келип билим алып жаткан таланттуу студенттер тарабынан даярдалган маданий программа менен коштолгон.
Булак: Спутник