Оштогу жайлоодон чет өлкөлүк жарандын жансыз денеси табылды

Ош облусунун аймагындагы жайлоолордун биринен чет өлкөлүк жарандын сөөгү табылды.

Аталган маалыматты ӨКМдин Ош облусу боюнча башкармалыгы тастыктады. Окуя боюнча кечээ, 11-июль күнү Ош ОИИБдин Ноокат райондук башкармалыгы тарабынан кабар берилген.

«Бел-Алма жайлоосунда Кара-Сел мөңгүсүнө жакын жерде Чехиянын 1973-жылы туулган Н.А. аттуу жаранынын жансыз денеси табылгандыгы боюнча Ноокат РИИБден кабар келип түшкөн. Биздин төрт куткаруучу чыгып, Бел-Алмага чейин барып, андан ары жөө 3 сааттык жол жүрүп алып келишти. Бел-Алма жайлоосунан өздөрүнүн унаасына чейин жеткирип, тергөөчүлөргө өткөрүп беришкен», – деп айтылат маалыматта.

Булак: Турмуш